قیام اور اغراض و مقاصد

2010ء میں ضلع ننکانہ کے نواحی علاقے ’’منڈی واربرٹن‘‘ میں مولانا عبدالمالک مجاہد کی سرپرستی میں نوجوانانِ ملت اور شبانِ اسلام کی علمی پختگی اور اخلاقی و نظریاتی مضبوطی کے عظیم خواب کو شرمندۂ تعبیر کرنے کے پیشِ نظر الرحمہ انسٹیٹیوٹ قائم کیا گیا۔

الرحمہ انسٹیٹیوٹ کے آٹھ سالہ تعلیمی دورانیے میں درسِ نظامی، وفاق المدارس السلفیہ پاکستان کے تحت عامہ، خاصہ، عالیہ اور عالمیہ کے جملہ امتحانات اور ایف اے سے بی ایس تک ریگولر معیاری تعلیم کا اہتمام کیا جا رہا ہے۔

بعد ازاں ہائر ایجوکیشن کے لیے اندرون و بیرون ملک یونیورسٹیوں میں ایم فل اور پی ایچ ڈی تک طلبہ کی عملی رہنمائی ادارے کے منشور کا حصہ ہے، جس کے نتیجے میں متعدد طلبہ ام القریٰ یونیورسٹی مکہ مکرمہ، جامعہ اسلامیہ مدینہ منورہ اور اندرونِ ملک مختلف یونیورسٹیوں میں ایم فل اور پی ایچ ڈی کر رہے ہیں۔

اسی طرح بعض طلبہ جید علماء و مشائخ کی زیرِ تربیت حدیث و فقہ اور ادیان و فرق میں تخصص (Specialization) کر رہے ہیں۔